म्यानमारमा हिंसात्मक झडपः ८९ जना प्रदर्शनकारीको मृत्यु

म्यानमारमा शनिबार भएको प्रदर्शनकारी र सुरक्षाफौजबीचको झडपमा कम्तिमा ८९ जना प्रदर्शनकारीको मृत्यु भएको छ ।

0

एजेन्सी । म्यानमारमा शनिबार भएको प्रदर्शनकारी र सुरक्षाफौजबीचको झडपमा कम्तिमा ८९ जना प्रदर्शनकारीको मृत्यु भएको छ । त्यहाँको राजनीतिक कैदीहरूका लागि सहयोगी संस्था (एएपीपी)का अनुसार शनिबार साँझको रिपोर्टअनुसार एकैदिन ८९ जना प्रदर्शनकारीहरूको मृत्यु भएको छ । मृत्यु हुनेहरुमा बालबालिका समेत रहेका छन् । शसस्त्र बल दिवसका दिन प्रदर्शनकारी र सुरक्षाफौजबीच भीषण झडप भएको बीबीसीले जनाएको छ । अमेरिका, ब्रिटेन र युरोपियन युनियनले उक्त हिंसाको भर्त्सना गरेका छन् ।

बेलायतका राजदूत डान चागले विज्ञप्ति जारी गर्दै भनेका छन् ‘निशस्त्र जनतालाई गोली हानेर म्यानमारको सुरक्षा फौजले आफ्नो प्रतिष्ठा गुमाइसकेको छ ।’ त्यस्तै अमेरिकी राजदूतावासले पनि त्यहाँको सुरक्षाफौजले ‘निशस्त्र नागरिकहरुलाई’ मारिरहेको आरोप लगाएको छ ।

म्यानमारको सेना प्रमुख मीन आङ लाङले शनिबारै राष्ट्रिय टेलिभिजनमार्फत सम्बोधन गर्दै प्रजातन्त्रको रक्षा गर्ने बताएका थिए र निर्वाचन हुने आश्वासन समेत दिएका थिए । यद्यपि, निर्वाचन कहिले गर्ने भन्ने विषयमा भने उनले खुलाएका छैनन् । गत फेब्रुअरीमा त्यहाँ सेनाले सत्ता हातमा लिएपछि त्यसको विरोधमा त्यहाँ दैनिक प्रदर्शन हुँदै आएको छ । त्यसयता भएका हिंस्रक झडपमा ४ सय बढी प्रदर्शनकारीहरूको ज्यान गैसकेको छ । 

यो खबर पढेर तपाईलाई कस्तो महसुस भयो ?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here